ჩკთს-ს ახალი პრეზიდენტი ჰყავს

ჩრდილოეთ კვიპროსის თურქულ სახელმწიფოში გუშინ გამართულ საპრეზიდენტო არჩევნების მეორე ტურში დამოუკიდებელმა კანდიდატმა მუსტაფა აქინჯიმ გაიმარჯვა. მან ხმების 60% მოაგროვა და ჩრდილოეთ კვიპროსის თურქული რესპუბლიკის რიგით მეოთხე პრეზიდენტი გახდა.

მუსტაფა აქინჯიმ ლეფკოშაში გამართულ მიტინგზე განაცხადა, რომ მოვალეობის გადაბარების შემდეგ სამხრეთ კვიპროსთან მოლაპარაკებებს დაიწყებს. მისივე თქმით, გაერთიანებული ერების ორგანიზაციის მხარდაჭერით ორივე მხარისათვის მისაღებ შეთანხმებაზე იმსჯელებენ.