მკურნალობა ბუნებრივი მეთოდებით 27-2023

მკურნალობა ბუნებრივი მეთოდებით 27-2022-2023

ჩვენს დღევანდელ გადაცემაში ვისაუბრებთ კამის სასარგებლო თვისებებზე

კამა ვიტამინებითა და მინერალებით მდიდარი ბალახოვანი მცენარეა. შეიძლება ითქვას, რომ ძლიერია A, B1, B6, C, D და E ვიტამინების მხრივ. კამის სასარგებლო თვისებები მოდის როგორც ვიტამინებიდან ასევე ნაერთებიდან.

კამის სასარგებლო თვისებებია:

• არეგულირებს სისხლში შაქარს:

კამის მოხმარება ააქტიურებს ინსულინის გამომუშავებას. ხდება სისხლში შაქრის უეცარი აწევის თავიდან აცილება. კვლევებმა აჩვენა, რომ კამა მნიშვნელოვან ადგილს იკავებს დიაბეტის როგორც მართვაში, ასევე პროფილაქტიკაში.

• იცავს გულის ჯანმრთელობას:

ის მნიშვნელოვან როლს ასრულებს გულის ჯანმრთელობის შენარჩუნებაში და ინსულტის რისკის შემცირებაში. შეზღუდულმა კვლევებმა აჩვენა, რომ კამა საოცრად მოქმედებს ცუდ ქოლესტერინზე. ქოლესტერინის შემცირება გულის ჯანმრთელობის დაცვის ერთ-ერთი მთავარი საშუალებაა.

• ამაგრებს ძვლებს:

კამის მოხმარებისას კალციუმის შეწოვა იზრდება და ის ხელს უწყობს ქრონიკული დაავადებების თავიდან აცილებას, როგორიცაა ოსტეოკლასტი და ოსტეოპოროზი.

• ხელს უშლის ინფექციებს:

უძველესი დროიდან კამა ანტიოქსიდანტებისა და C ვიტამინის შემცველობით ებრძვის მიკრობებს და იცავს ორგანიზმს ინფექციებისგან. კამის ფოთლები მნიშვნელოვან როლს თამაშობს ჭრილობების მკურნალობასა და შეხორცებაში, ხოლო მიკრობებისგან იცავს ორგანიზმს. ის ეხმარება ორგანიზმს გამოჯანმრთელებაში ისეთი პრობლემების წინააღმდეგ, როგორიცაა ხველა, გაციება, სისუსტე, დაღლილობა.

• აძლიერებს იმუნიტეტს:

კამა ეფექტურია იმუნური სისტემის გასაძლიერებლად. ორგანიზმის უნარი ებრძოლოს მიკრობებს, იზრდება ძლიერი იმუნიტეტით. კამა ავლენს ძლიერ ანტიბაქტერიულ, ანტივირუსულ და სოკოს საწინააღმდეგო თვისებებს სხვადასხვა ინფექციების თავიდან ასაცილებლად.

• ხელს უწყობს საჭმლის მონელებას:

კამა მნიშვნელოვან როლს ასრულებს საჭმლის ჯანსაღ მონელებაში და ცნობილია როგორც გაზგამყვანი. მას შეუძლია დახმარება კუჭისა და საჭმლის მომნელებელი პრობლემების თავიდან აცილებაში, როგორიცაა შებერილობა, გაზი და საჭმლის მონელების დარღვევა. მისი ბოჭკოვანი აგებულება კამის სასარგებლო თვისებად ითვლება. კამაში შემავალი დიეტური ბოჭკოები ხელს უწყობს ყაბზობის წინააღმდეგ ნაწლავის მოძრაობას.

გარდა ამისა, კამის ანტიმჟავას თვისება ხელს უშლის კუჭში ჭარბი მჟავის წარმოქმნას. ასეთი საკვები უკეთესად შეიწოვება და ითვლება ისეთი დაავადებების სამკურნალოდ, როგორიცაა საჭმლის მონელების დარღვევა, წყლულები, გასტრიტი.

კამა ასევე დაგეხმარებათ საჭმლის მონელების პრობლემის და მიკრობებით გამოწვეული დიარეის დროს.

• მას შეუძლია გაგათავისუფლოთ ტკივილისგან:

იგი ითვლება ანთების საწინააღმდეგო და ტკივილგამაყუჩებელ საშუალებად. კამა, რომელიც შეიძლება იყოს ეფექტური განსაკუთრებით სახსრების ანთებისა და სახსრების ტკივილის დროს, ასევე დაგეხმარებათ ანთების საწინააღმდეგოდ. თქვენ შეგიძლიათ კამა დაამატოთ კვების რაციონში კუნთების სპაზმისა და კუნთების ტკივილის მოსახსნელად. კვლევებით ასევე დადასტურდა, რომ ეფექტურია ქალებში მენსტრუალური ტკივილის დროს.

• შეუძლია შეამსუბუქოს სუნთქვა:

კამა მნიშვნელოვანია სუნთქვის პრობლემების მქონე ადამიანებისთვის. ის მნიშვნელოვან როლს ასრულებს ისეთი პრობლემების წინააღმდეგ, როგორიცაა გაციება, ხველა, ყელის ტკივილი, გრიპი. ის ასუფთავებს და ხსნის ნახველის ნაწილაკებს ფილტვებში, გულმკერდში და ცხვირის ღრუში. ის აადვილებს სუნთქვას, ხელს უწყობს ისეთი დაავადებების განკურნების პროცესის დაჩქარებას, როგორიცაა ბრონქიტი და ასთმა.

კამის თესლები და ფოთლები ცნობილია როგორც სუნთქვის გამაგრილებელი საშუალება. კამაში შემავალი ეთერზეთები ხელს უწყობს პირის ღრუს ინფექციების შემსუბუქებას, ხოლო თავისუფალი რადიკალები ღრძილებისა და კბილების დაზიანების მინიმუმამდე შემცირებას. თქვენ შეგიძლიათ ისარგებლოთ ამ მცენარის ძალით ჯანსაღი პირისთვის.

• კამა დაგეხმარებათ დაძინებაში:

კამის ფოთლებში შემავალი აქტიური ინგრედიენტებისა და B ჯგუფის ვიტამინების წყალობით, ის ეფექტურია უძილობის წინააღმდეგ. კამა, რომელსაც ყოველდღიურ რაციონში მიირთმევთ, დამამშვიდებელ ეფექტს ქმნის ორგანიზმში გარკვეული ჰორმონების და ფერმენტების სეკრეციის გააქტიურებით. ის ასევე ხელს უწყობს სტრესის ჰორმონების დონის შემცირებას. შეგიძლიათ მშვიდი და ხარისხიანი ძილი გქონდეთ სტრესის დონის შემცირებით. ასევე ცნობილია, რომ კამას ანტიდეპრესანტული ეფექტი აქვს.

• კამა ხელს უწყობს წონის დაკლებას

100 გრამი ახალი კამა დაახლოებით 43 კალორიაა. ვინაიდან ნახშირწყლების რაოდენობა დაბალია, მას შეუძლია სასარგებლო როლი შეასრულოს თქვენს დიეტაში წონის დაკლებისთვის.

როგორ მოვიხმაროთ კამა?

თქვენ შეგიძლიათ დაამატოთ ახლად დაჭრილი კამა თქვენს სალათებსა და კერძებს. კამა როგორც სალათი, შეგიძლიათ მოამზადოთ წვრილად დაჭრილი კამის, ოხრახუშის და პიტნის შერევით. შეგიძლიათ დაანატოთ ლიმონი და ცოტა ზეითუნის ზეთი.

კამა შეგიძლიათ დაუმატოთ ჯაჯიქს, თევზის კერძებს. შეგიძლიათ გამოიყენოთ ის როგორც სანელებელი ისეთი ბოსტნეულისთვის, როგორიცაა კარტოფილი.

ასევე შეგიძლიათ წვნიანებსა და სოუსებში კამა გამოიყენოთ. შეგიძლიათ კამის თესლი სანელებლად გამოიყენოთ ან სურვილისამებრ დაუმატოთ მწნილებს. ასევე შეგიძლიათ მოამზადოთ ჩაი კამის თესლით.

თუ გსურთ გამოიყენოთ გამხმარი კამა, შეგიძლიათ შეიძინოთ იგი ჰერბალისტებისგან. მაგრამ გახსოვდეთ, ხმელ კამას უფრო მწარე და ძლიერი არომატი აქვს, ვიდრე ახალ კამას. ამიტომ, თქვენ უნდა გამოიყენოთ სწორი რაოდენობით.

როგორ შევინახოთ კამა?

შეიძინეთ კამა, რომლის ფოთლები მუქი მწვანეა და არა ყვითელი. შემდეგ, თავისუფლად შემოახვიეთ ქაღალდის ხელსახოცი და შეინახეთ თავდახურულ კონტეინერში მაცივარში. ახალი კამა ამ გზით შეგიძლიათ შეინახოთ 2-3 დღის განმავლობაში. ხმელი კამა უფრო გამძლეა, ვიდრე ახალი. ასევე შეგიძლიათ კამა შეძენისთანავე გარეცხოთ, გააშროთ და სწრაფად გაყინოთ. სანამ საყინულეში შედგებით, ჩადეთ ჰერმეტულ პარკში.