გეოგრაფიული აღნიშვნის მქონე თურქული პროდუქციები 9-2022
მარაშის ნაყინი
გეოგრაფიული აღნიშვნის მქონე თურქული პროდუქციები 9
გეოგრაფიული აღნიშვნის მქონე თურქული პროდუქციები 9-2022
ილქერ თაშქინ
მარაშის ნაყინი
ქალაქი ქაჰრამანმარაში, რომელსაც განსაკუთრებული მნიშვნელობა აქვს თურქეთის ისტორიაში თავისი დიდებული წინააღმდეგობით დამოუკიდებლობის ომში, მდებარეობს ხმელთაშუა ზღვის რეგიონის აღმოსავლეთ ნაწილში. წარმოადგენს ხმელთაშუა ზღვის კლიმატისა და კონტინენტური კლიმატის გადაკვეთის პუნქტს. ქალაქის ამ გეოგრაფიულმა თავისებურებამ დიდი წვლილი შეიტანა სოფლის მეურნეობის განვითარებაში, განსაკუთრებით მევენახეობისა და რძის პროდუქტების დარგში. მსოფლიოში ცნობილი „მარაშის ნაყინი“, ქაჰრამანმარაშის სავაჭრო-სამრეწველო პალატის განაცხადების საფუძველზე 2018 წელს, გეოგრაფიული აღნიშვნის მქონე თურქული პროდუქციების სიაში იქნა შეტანილი. ცნობილია, რომ მარაშის ნაყინი ოსმალეთის იმპერიის დროს, სასახლეებში ცივ დესერტად მიირთმევდნენ, რომელსაც „karsambaç“-ს ეძახდნენ. ნაყინი მზადდება ბუნებრივი სალეპისა და თხის რძის ნაზავით, რომლებიც იკვებება ისეთი ყვავილებით, როგორიცაა თიამი, ჰიაცინტი და კროკუსი. მარაშის ნაყინი სხვა სახეობებისგან გამოირჩევა დაბალი მოცულობის გაფართოებით, უნიკალური არომატით, ელასტიურობით, ნათელი თეთრი ფერითა და დნობისადმი გამძლეობით.