მკურნალობა ბუნებრივი მეთოდებით 24-2022

მკურნალობა ბუნებრივი მეთოდებით 24-2022

სიცივეში დახეთქილი ხელების მკურნალობის ბუნებრივი საშუალებები

გადაცემა მომზადებულია ექიმ მეჰმედ უჩარის მიერ

დღეს ჩვენ ვისაუბრებთ სიცივეში დახეთქილი ხელების მკურნალობის ბუნებრივ საშუალებებზე.

ცივი ამინდის დადგომასთან ერთად კანი შრება. განსაკუთრებით მგრძნობიარე კანი ზამთარში ზედმეტად შრება, რის გამოც შეიძლება დასკდეს და გამოიწვიოს ეგზემა.

დამსკდარი ხელების მქონე პირები ფრთხილად უნდა ივნენ ისეთი ქიმიური პროდუქციის გამოყენებისას, როგორიცაა სარეცხი საშუალებები და საპნები. სტრიები თავიდან შეიძლება განკურნებადი ჩანდეს, თუმცა თუ არ უმკურნალებთ, შესაძლოა ეგზემაში გადაიზარდოს.

მკურნალობის ბუნებრივი საშუალებები, რომლებიც შეგიძლიათ გამოიყენოთ დახეთქილი ხელების სამკურნალოდ;

1. კანის ტენიანობის შესანარჩუნებლად რეკომენდებულია დღეში საშუალოდ 2 ლიტრი წყლის დალევა.

2. ძილის წინ შეგიძლიათ ხელებზე ზეითუნის ზეთი შეიზილოთ. ზეითუნის ზეთის წასმა ხელებზე მასაჟით და ხელთათმანების ან წინდების ჩაცმა ხელებს დილამდე დაარბილებს.

3. ზეითუნის ზეთის ალტერნატივა შეიძლება იყოს ნატურალურ-ორგანული კარაქი. კარაქი, რომელსაც წაისვავთ ხელების ზედა ნაწილზე, აქრობს ბზარებს და მყისიერად ანიჭებს ხელებს სირბილეს. რეგულარული გამოყენება იცავს თქვენს კანს.

4. შეგიძლიათ გამოიყენოთ კანისთვის სასარგებლო ზეთები, როგორიცაა ჩაის ხის ეთერზეთი, ტკბილი ნუშის ზეთი, სეზამის ზეთი, ქოქოსის ზეთი. ეს ზეთები იძლევა ძალიან ეფექტურ შედეგს, განსაკუთრებით სიცივის და წონის მატება-მოკლების გამო გამოწვეული კანის დამსკდრობის დროს.

5. კანის დასკდომის თავიდან აცილება შეგიძლიათ დღის განმავლობაში ხელის ზედაპირზე დამატენიანებელი კრემის წასმით. დამატენიანებელი კრემის გამოყენებისას არ უნდა დაგავიწყდეთ მისი წასმა განსაკუთრებით ფრჩხილის ნაწილზე.

ჩვენ შეგვიძლია ჩამოვთვალოთ შემდეგი ორგანული ნარევები სიცივის გამო მშრალი და დაბზარული ხელებისთვის;

ზეითუნის ზეთი და ლიმონის წვენი

შეურიეთ 1 სუფრის კოვზი ზეითუნის ზეთი და 1 სუფრის კოვზი ლიმონის წვენი და შეიზილეთ ხელებზე.

ნუშის ზეთი და თაფლი

1 სუფრის კოვზი ნუშის ზეთი გაზქურაზე ან გამათბობელზე ოდნავ გააცხელეთ, 1 ჩაის კოვზი თაფლი დაამატეთ. შეიზილეთ ხელებსა და ფრჩხილების ძირებზე ეს თბილი ნარევი. ამ ნარევის გამოყენება შეგიძლიათ ყოველ საღამოს ძილის წინ.

ავოკადო და თაფლი

ავოკადო გათალეთ, კურკა ამოაცალეთ, ჩანგლით კარგად გასრისეთ, დაუმატეთ ერთი ჩაის კოვზი თაფლი და აურიეთ სანამ კრემის კონსისტენციას არ მიაღწევს. კარგად წაისვით ხელებზე და გაიჩერეთ 30 წუთის განმავლობაში, რათა კანმა ზეთი შეიწოვოს.

ძალიან მნიშვნელოვანია რძეში გარკვეული რაოდენობის გვირილის ჩაყრა და მოხარშვა. გაფილტრულ ნარევს უნდა დაუმატოს თეთრი არყის ხის თესლი და ზეითუნის ზეთი. ამ ნარევით შესაძლებელია ხელებზე მასაჟის გაკეთება.

ყავის ჭურჭელში უნდა გაადნოთ ერთი ჩაის კოვზი თაფლი და დაუმატოთ ორი სუფრის კოვზი სეზამის ზეთი. შემდეგ უნდა დაამატოთ სუფრის კოვზი ნუშის ზეთი და სუფრის კოვზი გლიცერინი. ნაღების კონსისტენციამდე მიყვანილი ნარევი შეიძლება შეინახოთ ქილაში. მიღებული კრემი უნდა შეიზილოთ ხელებზე ღამით ძილის წინ, შეგიძლიათ ბამბის ხელთათმანები ჩაიცვათ.

ვარდის წყალი

შეგიძლიათ ვარდის წყალს რამდენიმე წვეთი ნუშის ზეთი დაუმატოთ და ხელები ამ წყალში ყოველდღე 15 წუთის განმავლობაში გააჩეროთ. შემდეგ კი გაიშრეთ ქაღალდის პირსახოცით.

კიდევ ერთი დამატენიანებელი ნარევი შეიძლება მომზადდეს შემდეგნაირად:

1 მოხარშული კარტოფილი

1 მწიკვი გვირილა (გამხმარი)

1 ჩაის კოვზი ვაზელინი

მოხარშული კარტოფილი გასრისეთ, დაამატეთ ვაზელინი. კარგად შერევის შემდეგ უნდა დაუმატოთ გვირილის გამხმარი ყვავილები და ისევ აურიოთ. მიღებული ნაზავი წაისვით ხელებზე, შემოიხვიეთ ბამბის ქსოვილით, გაიჩერეთ ნახევარი საათით და ჩამოიბანეთ თბილი წყლით. თუ კვირაში რამდენჯერმე გამოიყენებთ გაგიქრებათ სტრიები.

ბავშვის პუდრი და გლიცერინი

ამ ხელის ნიღბისთვის შეურიეთ 1 ჩაის კოვზი გლიცერინი 1 ჩაის კოვზ ბავშვის პუდრს. შეგიძლიათ დაამატოთ 1-2 წვეთი ზეითუნის ზეთი. ნარევი მიიყვანეთ კრემის კონსისტენციამდე. ამგვარად თქვენ შეგიძლიათ შეინახოთ იგი დიდი ხნის განმავლობაში და ბევრჯერ გამოიყენოთ.

იოგურტი და შვრია

იოგურტისა და შვრიის ნარევში შეგიძლიათ დაამატოთ 1-2 წვეთი ლიმონი; ასე რომ თქვენ შეგიძლიათ მიაღწიოთ უფრო ეფექტურ აღდგენას.

ყავის ნიღაბი

შეიზილეთ ყავის ძირში დარჩენილი ნალექი ხელის ზედა ნაწილზე და ფრჩხილების კიდეებში, გაიჩერეთ 5 წუთი და ჩამოიბანეთ თბილი წყლით.

ნახეთქების თავიდან ასაცილებლად შეგიძლიათ შემდეგი ნარევიც მოამზადოთ.

3 სუფრის კოვზი ვარდის წყალი

3 ჩაის კოვზი ნუშის ზეთი

2 ჩაის კოვზი ლიმონის წვენი

1 ჩაის კოვზი ორგანული ვაშლის ძმარი

ყველა ინგრედიენტი შეუერიეთ. ნარევი წაისვით ხელებზე მასაჟით. იმისათვის, რომ ხელებმა კარგად აითვისოს ნიღაბი, შეგიძლიათ ხელები შეიხვიოთ ან ჩაცვიათ ხელთათმანები. 30 წუთის ლოდინის შემდეგ საკმარისია თბილი წყლით ჩამოიბანოთ.