იცით თუ არა, რომ 7/2021

იცით თუ არა, რომ? 60 (7) 2021

მსოფლიოს ყველაზე უსაფრთხო ქალაქები

იცით თუ არა, რომ თურქეთის ქალაქი ესქიშეჰირი მერვე ადგილზეა მსოფლიოს ყველაზე უსაფრთხო ქალაქებს შორის?

მსოფლიოში ცნობილმა კვლევითმა კომპანიამ Numbeo-მ გამოაქვეყნა მსოფლიოს ყველაზე უსაფრთხო ქალაქების სია, რომელსაც ყოველწლიურად ამზადებს. თურქეთის ცენტრალური ანატოლიის რეგიონში მდებარე ქალაქი ესქიშეჰირი სიის პირველ ათეულში მოხვდა.

მსოფლიოს ყველაზე უსაფრთხო ქალაქების სია, რომელსაც Numbeo ყოველწლიურად რეგულარულად ამზადებს, ქვეყნების უსაფრთხოების განყოფილებებიდან მიღებული დანაშაულის მაჩვენებლების მიხედვით იქმნება. ანგარიშში, რომელშიც შეფასებულია 431 ქალაქი, ესქიშეჰირმა ბოლო სამი წლის განმავლობაში 41 ადგილით წინ წაიწია და მერვე ადგილი დაიკავა. სიაში ანტალია 61-ე, ბურსა 74-ე, იზმირი 77-ე, დედაქალაქი ანკარა 183-ე და სტამბოლი 263-ე ადგილზეა.