PKK-ს მხარდამჭერების პროვოკაცია ბელგიის დედაქალაქ ბრიუსელში

სეპარატისტული ტერორისტული ორგანიზაციის PKK-ის მხარდამჭერები ბელგიის დედაქალაქ ბრიუსელში ევროპარლამენტის წინ შეიკრიბნენ, ბარიკადები დაშალეს და თავს დაესხნენ პოლიციას.

სეპარატისტული ტერორისტული ორგანიზაციის მხარდამჭერი 150-კაციანი ჯგუფი ლუქსემბურგის მოედანზე შეიკრიბა ევროპარლამენტის წინ გუშინ, ადგილობრივი დროით 12:00 საათზე.

ჯგუფმა, რომელიც სკანდირებდა ანტითურქულ ლოზუნგებს, ჩხუბი წამოიწყო.

მათ მოედნის მიმდებარე ბარიკადები დაშალეს და პოლიციას ესროლეს. პოლიციამ სეპარატისტული ტერორისტული ორგანიზაციის მხარდამჭერებს, რომლებმაც მათ სკამები და ქვები დაუშინეს, ცრემლსადენი გაზით უპასუხა.

ჯგუფი, რომელსაც სურდა ფეხით გაევლო ჯერ იმ ქუჩაზე, სადაც მდებარეობს თურქეთის საელჩო, შემდეგ კი შუმანის მოედანზე, სადაც ევროკავშირის ინსტიტუტებია განთავსებული, პოლიციის წინააღმდეგობას წააწყდა.