რუსეთში სამხედრო-სატრანსპორტო თვითმფრინავი ჩამოვარდა

რუსეთის ივანოვის რეგიონში „ილ-76“ ტიპის სამხედრო-სატრანსპორტო თვითმფრინავი ჩამოვარდა, რომელშიც 15 ადამიანი იმყოფებოდა.

რუსეთის თავდაცვის სამინისტროს წერილობით განცხადებაში ნათქვამია, რომ ილ-76 ტიპის სასწავლო თვითმფრინავი ივანოვის რეგიონში ძრავაში გაჩენილი ხანძრის გამო ჩამოვარდა.

განცხადებაში ნათქვამია, რომ თვითმფრინავში ეკიპაჟის 8 წევრი და 7 მგზავრი იმყოფებოდა.

მომხდარზე გამოძიება დაიწყო.