OIC ისრაელის არმიის თავდასხმების ქალაქ რაფაზე მკაცრად გმობს

ისლამური თანამშრომლობის ორგანიზაციამ (OIC), ისრაელის არმიის თავდასხმები ქალაქ რაფაზე მკაცრად დაგმო.

OIC-ი გავრცელებული წერილობითი განცხადებით გამოეხმაურა ისრაელის მიერ განხორციელებულ თავდასხმებს ქალაქ რაფაზე, სადაც დაახლოებით 1,5 მილიონმა პალესტინელმა შეიფარა თავი.

განცხადებაში ნათქვამია, რომ ასობით პალესტინელი მშვიდობიანი მოქალაქე, ძირითადად ბავშვები და ქალები, დაიღუპა და დაშავდა რაფაზე ისრაელის თავდასხმების შედეგად და რომ საერთაშორისო საზოგადოების გაფრთხილებები იგნორირებულ იქნა.

განცხადებაში, ქალაქ რაფაზე თავდასხმები აღწერილია, როგორც ღაზას სექტორში ხალხის ტანჯვის გაღრმავება და გენოციდის დანაშაულის გაგრძელება და აღინიშნა, რომ ეს იყო პალესტინელი ხალხის დეპორტაციის მიუღებელი მცდელობა.

ისლამური თანამშრომლობის ორგანიზაციამ საკითხთან დაკავშირებით ასევე მოუწოდა საერთაშორისო საზოგადოებას, განსაკუთრებით გაეროს უშიშროების საბჭოს, შეასრულონ თავიანთი პასუხისმგებლობა ისრაელის თავდასხმების შესაჩერებლად და ღაზას სექტორისთვის ჰუმანიტარული დახმარების მიწოდებაში.