ნატოს სამხედრო წვრთნები „მტკიცე დამცველი 2024“ დაიწყო

ნატოს ყველაზე დიდი სამხედრო წვრთნები ცივი ომის პერიოდის შემდეგ (1947-1991 წწ.) „მტკიცე დამცველი 2024“ დაიწყო.

ნატოს განცხადებაში ნათქვამია, რომ ამერიკის შეერთებული შტატების (აშშ) სადესანტო გემი USS Gunston Hall ვირჯინიის შტატში მდებარე ნორფოლკიდან გაემგზავრა და მთელი რიგი ოპერაციების შემდეგ მიაღწევს ატლანტის ოკეანის მეორე მხარეს.

განცხადებაში აღნიშნულია, რომ წვრთნების ფარგლებში კანადის შტატ ახალი შოტლანდიის ჰალიფაქსიდან ფრეგატი HMCS Charlottetown გაემგზავრება ევროპაში ამ თვეში და რომ ალიანსი თავისი ძალების ჩრდილოეთ ამერიკიდან ატლანტის ოკეანის მეორე მხარეს გადაყვანით გამოავლენს თავის შესაძლებლობებს გააძლიეროს ევროატლანტიკური რეგიონი.

გავრცელდა ინფორმაცია, რომ წვრთნები, რომელშიც დაახლოებით 90 ათასი ჯარისკაცი მიიღებს მონაწილეობას ნატოს 31 წევრი და კანდიდატი ქვეყნიდან შვედეთიდან, მაისის ბოლომდე გაგრძელდება.

ცივი ომის შემდგომი ნატოს ყველაზე დიდი წვრთნები გერმანიაში, პოლონეთსა და ბალტიისპირეთის ქვეყნებში ჩატარდება და რუსეთთან ომის შესაძლო სცენარებს მოიცავს.

ნატოს ბოლო დიდი წვრთნები ცივი ომის დროს იყო "REFORGER"-ი, რომელიც ჩატარდა 1988 წელს 125 ათასი მონაწილით.