ნიგერიაში „ლასას“ ეპიდემიის შედეგად დაღუპულთა რიცხვი იზრდება

აფრიკის სახელმწიფო ნიგერიაში გავრცელებული ე.წ. „ლასას“ ციებ-ცხელების გამო, სიკვდილიანობა დღითიდღე იზრდება. ბოლო მონაცემებით, დაღუპულთა რიცხვმა უკვე 200-ს მიაღწია. ნიგერიის დაავადებათა კონტროლის ცენტრის მიერ გავრცელებულ წერილობით განცხადებაში ნათქვამია, რომ მიმდინარე წლის 1 იანვრიდან მოყოლებული 28 პროვინციაში ხსენებული ეპიდემიის 1170 შემთხვევა დაფიქსირდა რა, გარდაცვლილთა საერთო რაოდენობამ 200-ს მიაღწია.

ცნობისათვის, ნიგერიის მთავრობამ ადრე გამოაცხადა, რომ ეპიდემიის სამკურნალოდ გამოვლინდა 3 პრეპარატი.

ცნობისათვის, ნიგერიის მთავრობამ მიმდინარე წლის თებერვლის დასაწყისში ლასას ციებ-ცხელების გამო გამოაცხადა „საგანგებო მდგომარეობა“.