მექსიკაში ქარიშხალ „ოტისის“ გამო ათეულობით ადამიანი დაიღუპა

პირველადი შეფასებით, მექსიკაში ქარიშხალ ოტისის გამო 27 ადამიანი დაიღუპა. მექსიკის უშიშროების მინისტრმა როზა ისელა როდრიგესმა განაცხადა, რომ ქარიშხალ ოტისის გამო, რომელიც მე-5 კატეგორიამდე ავიდა და მოსახლეობა გააფრთხილეს, რომ „შეიძლება დამანგრეველი იყოს“,  ამჟამინდელი მონაცემებით 27 ადამიანი დაიღუპა, 4 კი დაიკარგა.

ქარიშხლის გამო ათობით ათასი ადამიანის სახლი დაზიანდა და საცხოვრებელი სახლები ელექტროენერგიის გარეშე დარჩა.

ქარიშხალი ოტისი ძირითადად ქვეყნის სამხრეთით მდებარე სანაპირო ქალაქ აკაპულკოს დაატყდა.