შავი ზღვის მარცვლეულის ინიციატივის ძალისხმევის გამო აშშ-მა თურქეთს მადლობა გადაუხადა

შავი ზღვის მარცვლეულის ინიციატივის ძალისხმევის გამო აშშ-მა თურქეთს მადლობა გადაუხადა

აშშ-ის სახელმწიფო დეპარტამენტმა მადლობა გადაუხადა პრეზიდენტ რეჯეფ თაიფ ერდოღანს და ნატოს მოკავშირეს თურქეთს შავი ზღვის მარცვლეულის ინიციატივის ხელახლა წამოწყების მცდელობისთვის.

აშშ-ის სახელმწიფო დეპარტამენტის პრესსპიკერის მოადგილემ ვედანტ პატელმა პრესკონფერენციაზე ჟურნალისტების შეკითხვებს  უპასუხა.

პატელმა თქვა, რომ რუსეთის გადაწყვეტილებამ დაასრულოს შავი ზღვის მარცვლეულის ინიციატივა, დააზარალა საზოგადოებები მთელ მსოფლიოში, რომლებიც სურსათის კუთხით დაუცველნი არიან.

მან აღნიშნა, რომ პრეზიდენტმა ერდოღანმა სცადა რუსეთი დაებრუნებინა შეთანხმებაში ქალაქ სოჭში ვიზიტის დროს და დაამატა: „მადლობას ვუხდით პრეზიდენტ ერდოღანს და ჩვენს ნატოს მოკავშირეს თურქეთს შავი ზღვის მარცვლეულის ინიციატივის ხელახლა წამოწყებაში მათი მნიშვნელოვანი როლისთვის“.

კითხვაზე „ხედავს თუ არა აშშ მდინარე დუნაის მარშრუტს შავი ზღვის მარცვლეულის ინიციატივის ალტერნატივად?“ პასუხის გაცემისას პატელმა განაცხადა, რომ აშშ-ის პრიორიტეტია რუსეთის დაბრუნება ინიციატივაში და დაამატა: „რა თქმა უნდა, ჩვენ ვაფასებთ, სხვა რა ვარიანტებია საკვები პროდუქტებისთვის იმ ადგილებში ჩასატანად, სადაც უნდა ჩავიდეს“.

პატელმა განაცხადა: "ჩვენ გვინდა, რომ შავი ზღვის მარცვლეულის ინიციატივა თავიდან დაიწყოს, ჩვენ ვნახეთ, რომ ის მუშაობს".

პრეზიდენტმა რეჯეფ თაიფ ერდოღანმა სოჭში რუსეთის პრეზიდენტ პუტინთან გამართულ პრესკონფერენციაზე განაცხადა: „ყველა მხარემ იცის რუსეთის მოლოდინები ინიციატივის განახლებასთან დაკავშირებით. ჩვენი რუსი მეგობრების მიერ გამოთქმულ საკითხებზე ჩვენც სხვა შემთხვევებშიც ვისაუბრეთ. მიგვაჩნია, რომ ინიციატივა უნდა გაგრძელდეს ხარვეზების აღმოფხვრით. გულწრფელად გავუზიარეთ ჩვენი მოსაზრებები ამ საკითხთან დაკავშირებით ჩემს ძვირფას მეგობარს ორმხრივ შეხვედრაზე. ამ კონტექსტში ჩვენ მოვამზადეთ ახალი წინადადებების პაკეტი, მნიშვნელოვანი პროგრესით, გაერთიანებული ერების ორგანიზაციის კონსულტაციით. მჯერა, რომ ამ ახალი პროცესით შესაძლებელია შედეგის მიღწევა. მჯერა რომ როგორც თურქეთი მოკლე დროში მივაღწევთ გადაწყვეტას, რომელიც მოლოდინებს გაამართლებს“.