ხორვატიაში ჩასატარებელი საპარლამენტო არჩევნების თარიღი ცნობილი გახდა
ხორვატიაში ჩასატარებელი საპარლამენტო არჩევნების თარიღი ცნობილი გახდა
ხორვატიის პრეზიდენტის ადმინისტრაციიდან გავრცელებული ინფორმაციით პრეზიდენტმა, ზორან მილანოვიჩმა ქვეყანაში დაგეგმილი მორიგი საპარლამენტო არჩევნები 5 ივლისს დანიშნა. პრეზიდენტის ადმინისტრაციიდან გავრცელებულ განცხადებაში ასევე აღნიშნულია, რომ 151 მანდატიან პარლამენტის არჩევნებში საზღვარგარეთის წარმომადგენლობებში ხმის მიცემა 4-5 ივლისს იქნება შესაძლებელი.
შეგახსნებთ, ხორვატიის პარლამენტის უმრავლესობამ საკანონმდებლო ორგანოს თვითდათხოვნას მხარი დაუჭირა. დეპუტატებმა გადაწყვეტილება ვადამდელი საპარლამენტო არჩევნების დანიშვნისთვის მიიღეს.
საკანონმდებლო ორგანოს დათხოვნის ინიციატივა მმართველ კოალიციას ეკუთვნის. ქვეყნის პრემიერ-მინისტრი აცხადებს, რომ ხორვატიის დემოკრატიული კავშირი, რომლის ლიდერიც ის არის, არჩევნებზე ისევ გაიმარჯვებს და პარტნიორებთან ერთად კოალიციას ჩამოაყალიბებს. ხორვატიაში ოფიციალურად 4 მილიონი ამომრჩეველია დარეგისტრირებული.