შეიარაღებული თავდასხმა აშშ-ში: დაჭრილია 11 ადამიანი

ამერიკის შეერთებული შტატები ქალაქ ნიუ ორლეანში გუშინ დილის საათებში მომხდარი შეიარაღებული თავდასხმის შედეგად 11 ადამიანი დაიჭრა, მათგან ორი მძიმედ.

ამერიკული მედიის ცნობით, შეიარაღებული თავდასხმა ლუიზიანას შტატის ქალაქ ნიუ – ორლეანის ხალხმრავალ ფრანგულ კვარტალში მოხდა.

ადგილობრივი ხელისუფლების წარმომადგენელთა განცხადებით, 11 ადამიანი დაიჭრა და 2 მათგანის მდგომარეობა მძიმეა.

სავარაუდოდ, დაკავებულია ერთი ეჭვმიტანილი და თავდასხმის მიზეზებზე ოფიციალური განცხადება ჯერ არ გაკეთებულა.