პესკოვი: „S-400-ის თურქეთზე გადაცემა დაგეგმილ ვადებში განხორციელდება“

რუსეთის პრეზიდენტის პრესმდივანმა  დიმიტრი პესკოვმა განაცხადა, რომ საზენიტო-სარაკეტო კომპლექსი S-400-ების თურქეთზე გადაცემა დაგეგმილ ვადებში განხორციელდება და ვადის გადაწევის არანაირი საჭიროება არ არსებობს. პესკოვმა აღნიშნული განცხადება ყაზახეთის დედაქალაქ ნურსულთანში გააკეთა. „რუსეთის მხრიდან,  საზენიტო-სარაკეტო კომპლექს S-400-ების თურქეთზე გადაცემის პროცესი ისე  მიმდინარეობს როგორც დაგეგმილია და  არანაირ შეფერხებას ადგილი არ აქვს,“ განაცხადა დიმიტრი პესკოვმა.