ამერიკამ სირიაში არსებული აღჭურვილობის გატანა დაიწყო

ამერიკის თავდაცვის სამინისტრომ განაცხადა, რომ სირიაში არსებული აღჭურვილობის გატანა დაიწყეს.

პენტაგონის ერთ-ერთმა უფლებამოსილმა პირმა, რომელმაც ვინაობის განხელა არ ისურვა, განაცხადა: „ვადასტურებ, რომ ზოგიერთი აღჭურვილობის სირიიდან გამოტანა დავიწყეთ.“

აღნიშნულმა უფლებამოსილმა, ოპერაციული პრობლემების გამო თავი შეიკავა გატანილი აღჭურვილობის და რეგიონების დასახელებისგან.

ამერიკული სატელევიზიო არხის CNN-ის ცნობით კი აშშ-ს ცენტრალურ ძალთა სარდლობამ (CENTCOM) გაყვანის ოპერაციაში გამოსაყენებელი გემები და თვითმფრინავები განსაზღვრა.

გასვლის პროცესი აშშ-ს პრეზიდენტის დონალდ ტრამპის მიერ 2018 წლის 19 დეკემბერს მიღებული გადაწყვეტილების შემდეგ დაიწყო.

ტრამპის ამ გადაწყვეტილებამ ჯიმ მატისის თავდაცვის მინისტრის პოსტიდან გადადგომა გამოიწვია.  

მატისმა, 1 იანვარს თანამდებობის დატოვებამდე რამდენიმე დღით ადრე აშშ-ს არმიას გამოსვლის პროცესის დაწყების მითითება მისცა.