ისრაელი პალესტინელების მიმართ ძალადობას განაგრძობს

ისრაელის სამხედროებმა ოკუპირებულ იორდანეს დასავლეთ ნაწილში კიდევ 13 პალესტინელი დააკავეს. ისრაელის არმიიდან გავრცელებული ინფორმაციის თანახმად, იორდანეს დასავლეთ ნაწილში გუშინ ღამით ჩატარებული ოპერაციების შედეგად 13 პალესტინელი დააკავეს. მათივე განცხადებით, დაკავებულები ტერორისტულ საქმიანობებში არიან ბრალდებულნი. ისინი დაკითხვის მიზნით რეგიონის წინასწარი პატიმრობის იზოლატორში გადაიყვანეს. ოკუპირებულ იორდანეს დასავლეთ ნაწილში ისრაელის სამხედროები პალესტინელების სახლებში ხშირ-ხშირად ახორციელებენ უკანონო ჩხრეკებს. პალესტინის მთავრობის ოფიციალური მონაცემით, ისრაელის საპყრობილეებში 6500 პალესტინელია ამჟამად.