ტერაქტი ავღანეთში

ავღანეთის სამხრეთით მდებარე, ჰელმანდის პროვინციაში თვითმკვლელი ტერორისტის მიერ განხორციელებული თავდასხმის შედეგად წინასწარი მონაცემებით 13 ადამიანი დაიღუპა. ჰელმანდის პროვინციის გუბერნიის პრესსპიკერის, ომარ ზუვაკის განცხადებით თვითმკვლელმა ტერორისტმა ქალაქ ნავაში საკუთარი თავი მაშინ აიფეთქა, როდესაც სამართალდამცველების ავტომობილის კოლონას მიუახლოვდა. მისივე თქმით მომხდარის შედეგად ასევე 19 ადამიანიც დაშავდა. ტერაქტი საკუთარ თავზე თალიბებმა აიღეს.