ძლიერი ხანძარი მაგუერაში

ესპანეთის სამხრეთ-დასავლეთით  მაგუერას დასახლებაში და მის ირგვლივ უკვე ორი დღეა მძვინვარე ხანძრის შედეგად 2000-ზე მეტი ადამიანი იძულებული გახდა საცხოვრებელი სახლები დაეტოვებინა. ანდალუსიის ავტონომიური რესპუბლიკის მთავრობის მხრიდან გავრცელებული ინფორმაციით, ხანძრის ჩაქრობას ქარი და მაღალი ტემპერატურა ართულებს. იგივე ინფორმაციით აღნიშნულ რეგიონში 50 ათასზე მეტ ადამიანს მგზავრობის უფლება აღარ მიეცა. მიზეზად კი ძლიერი კვამლი დასახელდა. ცეცხლის ჩაქრობის ოპერაციაში კი როგორც სახანძრო და საჰაერო ასევე სამხედრო ეკიპაჟებიც  არიან ჩართული.