მაკრონი მუშაობას ენერგიულად აგრძელებს

საფრანგეთის ახალმა პრეზიდენტმა მაკრონმა გაპრეზიდენტობის პირველსავე დღეებიდან აქტიური და ენერგიული პოლიტიკური მოღვაწეობა დაიწყო რა, ახალი პრემიერისა და მინისტრთა კაბინეტის დამტკიცების კვალდაკვალ მერკელთან შეხვედრა გამართა, ხოლო გუშინ კი ელისეის სასახლეში ევროკავშირის საბჭოს პრეზიდენტი დონალდ ტუსკი მიიღო.

შეხვედრის დროს მაკრონმა განაცხადა, რომ მისი ქვეყანა ევროკავშირში ამიერიდან ახალი და ამბიციური პოლიტიკის გამტარებელი გახდება.

მანვე ევროკავშირის რესტრუქტურიზაციას დაუჭირა მხარი და იმედი გამოთქვა, რომ ამ საკითხში ტუსკთან დაუყონებლივ დაიწყებენ წინა მოსამზადებელ სამუშაოებს და ამ გზით წარმატებებსაც მიაღწევენ.

ტუსკის თქმით კი,  ევროკავშირი საჭიროებს მაკრონის ენერგიას, ფანტაზიას და გამბედაობას. მაკრონს ევროკავშირში ევრო ზონის გაძლიერების, სასაზღვრო უსაფრთხოებისა და საიმიგრაციო პოლიტიკის საკითხებში რიგი ცვლილებების განხორციელება სურს