აშშ-ში ადამიანების ჯგუფს შეიარაღებულმა პირებმა ცეცხლი გაუხსნეს

ამერიკაში, ლუიზიანას შტატის ქალაქ ნიუ ორლეანსში, ერთ-ერთ პარკში ადამიანების ჯგუფს შეიარაღებულმა პირებმა ცეცხლი გაუხსნეს.

თავდასხმის შედეგად დაჭრილი 16 ადამიანი საავადმყოფოში გადაიყვანეს.

პოლიციის ინფორმაციით, ნიუ ორლეანის ერთ-ერთ პარკში დაახლოებით 500 კაციან ჯგუფზე, რომელიც მუსიკალურ კლიპს იღებდა, შეიარაღებული თავდასხმა მოხდა.

თავდასხმაში ეჭვმიტანილებისა და მიზეზების დასადგენად გამოძიება მიმდინარეობს.