ბან კი მუნმა იბრაიმის ადგილზე იტალიელი დიპლომატი დანიშნა

გაერთიანებული ერების ორგანიზაციის გენერალურმა მდივანმა ბან კი მუნმა მაისის თვეში გადამდგარი ელ აჰთარ ელ იბრაიმის ადგილზე იტალიელი დიპლომატი სტაფან დე მისტურა დანიშნა სირიაში სპეციალური წარმომადგენლის თანამდებობაზე.

ბან კი მუნის განცხადებით, ელ იბრაიმი გაეროსა და არაბული ლიგის სპეციალური წარმომადგენელია და სირიაში არსებული პრობლემის მოგვარების საკითხში მისტურა მხოლოდ გაეროს სპეციალური წარმომადგენელი იქნება.

გაეროს გენერალურმა მდივანმა ასევე დასძინა, რომ სირიის პრობლემის მოგვარების საკითხში არაბულ ლიგასთან ფართო კონსულტაციები გაგრძელდება და მისტურას მოადგილე კი არაბული ლიგის შეთავაზებით ეგვიპტელი დიპლომატი რემზი იზზეთინ რემზი იქნება.

ბანის განცხადებით, ახალ თანამდებობაზე დანიშვნამდე სტაფან დე მისტურამ რეგიონალურ და გლობალურ ძალებთან კონსულტაციები გაიარა, მათ შორის სირიის ოპოზიციასთან და ესადის რეჟიმთან.