ევროპის გოგონების მათემატიკურ ოლიმპიადაზე თურქეთმა მეორე ადგილი დაიკავა

გოგონებს შორის ევროპის მე-11 მათემატიკურ ოლიმპიადაზე თურქეთი მეორე ადგილზე გავიდა.

უნგრეთის ქალაქ ეგერში გამართულ რიგით მე-11 ევროპის გოგონების მათემატიკურ ოლიმპიადაზე, თურქეთის სამეცნიერო და ტექნოლოგიური კვლევის საბჭოს (TÜBİTAK) "2202 სამეცნიერო ოლიმპიური პროგრამის" ფარგლებში მხარდაჭერილმა თურქმა მოსწავლეებმა ირემ გულჯე იაზგან ალთინმა, მელექ გუნგორმა და სენა ბაშარანმა ვერცხლის, ჯემრე ჩეთინმა კი ბრინჯაოს მედლები მოიპოვეს.

ამ წარმატებით, თურქეთმა ოლიმპიადაზე ჯამური ქულების რეიტინგში მე-2 ადგილი დაიკავა ევროპის 31 ქვეყანას შორის.

პრეზიდენტ რეჯეფ თაიფ ერდოღანის მეუღლემ, ემინე ერდოღანმა ევროპის გოგონების მათემატიკურ ოლიმპიადაზე თურქეთის წარმატების შესახებ სოციალური ქსელით განაცხადა და რეიტინგში მოხვედრილ მოსწავლეებს მიულოცა.