უკრაინაში სატვირთო თვითმფრინავმა კატასტროფა განიცადა

უკრაინის ქალაქ ლვოვში სატვირთო თვითმფრინავმა საწვავის გამოცლის გამო აეროპორტში მისვლამდე საგანგებო დაშვება განახორციელა, რა დროსაც მომხდარ კატასტროფას 3 ადამიანი ემსხვერპლა, 3 კი დაშავდა.

უკრაინის ინფრასტრუქტურის სამინისტროს განცხადების მიხედვით, ესპანეთის ქალაქ ვიგოდან უკრაინის ქალაქ ლვოვის მიმართულებით რეისის შემსრულებელი სატვირთო თვითმფრინავი An-12 საწვავის გამოცლის გამო ლვოვის დანილო ჰალიცკის სახელობის აეროპორტთან ახლოს საგანგებოდ დაეშვა. ავიაკატასტროფის შედეგად 3 ადამიანი დაიღუპა, სამი კი დაშავდა.