თურქეთის ეკონომიკა 2022 წელს 5,6 პროცენტით გაიზარდა

თურქეთის ეკონომიკა 2022 წელს 5,6 პროცენტით, ხოლო გასული წლის ბოლო კვარტალში 3,5 პროცენტით გაიზარდა.

თურქეთის სტატისტიკურმა ინსტიტუტმა (TÜİK), 2022 წლის მთლიანი შიდა პროდუქტის (მშპ) შედეგები გამოაქვეყნა, რომლის მიხედვითაც ქვეყნის ეკონომიკა 2022 წელს 5,6 პროცენტით, ხოლო გასული წლის ბოლო კვარტალში 3,5 პროცენტით გაიზარდა.

ამავე ინფორმაციით, წარმოების მეთოდის მიხედვით, მშპ-ს  ფასებში 2022 წელს, წინა წელთან შედარებით 107 პროცენტიანი ზრდა დაფიქსირდა და 15 ტრილიონ 6 მილიარდ 574 მილიონი ლირა შეადგინა.

ამრიგად, თურქეთის ეკონომიკა ზედიზედ 10 კვარტალში გაიზარდა.