IMF: „2023 წელი რთული იქნება“
IMF: „2023 წელი რთული იქნება“
1926732
საერთაშორისო სავალუტო ფონდის (IMF) ხელმძღვანელმა, კრისტალინა გეორგიევამ განაცხადა, რომ გლობალური ეკონომიკის დიდი ნაწილისთვის 2023 წელი რთული იქნება, რადგან გლობალური ზრდის მთავარი ძრავები - აშშ, ევროპა და ჩინეთი ეკონომიკურ ვარდნას განიცდიან. გეორგიევამ ამის შესახებ, ტელეკომპანია CBS-თან ინტერვიუს დროს განაცხადა.
„2023 წელი იქნება უფრო რთული, ვიდრე ის წელი, რომელსაც უკან ვტოვებთ. რატომ? იმიტომ, რომ სამი დიდი ეკონომიკა - აშშ, ევროკავშირი და ჩინეთი ერთდროულად განიცდიან ვარდნას. ასევე უნდა აღინიშნოს, რომ ახალი ტიპის კორონავირუსის (კოვიდ-19) შემთხვევების ზრდა ჩინეთში მოკლევადიან პერიოდში ცუდი შედეგების მომტანი იქნება მსოფლიო ეკონომიკისთვის,“ განაცხადა გეორგიევამ.