Türkiyə mətbuatı, 5 fevral 2024
“Hürriyet”, “Sabah”, “Haber Türk”, “Star” və “Vatan” bu gün nələrdən yazır?
“Hürriyet”: Ərdoğan “Şəhərlərimizi ayağa qaldırana qədər dincəlməyəcəyik" dedi
Türkiyə prezidenti R.T.Ərdoğan Qaziantep Şəhər Xəstəxanası və birləşdirici yolların açılış mərasimində etdiyi çıxışında bunları söyləyib: "Zəlzələ şəhərlərimizi infrastrukturu, üst quruluşu, şəhər mərkəzi və kənd yerləri ilə birlikdə tamamilə dirçəldənə qədər dincəlməyəcəyik".
“Sabah”: Mərkəzi Bankın sədri Fatih Karaxandan ilk açıqlama
Türkiyə Mərkəzi Bankının sədri vəzifəsinə təyin olunan Fatih Karaxan ilk açıqlamasında deyib: "İnflyasiya hədəfimizə uyğun səviyyələrə düşənə qədər lazımi pul sıxlığını qorumağa qərarlıyıq".
“Haber Türk”: Yanvarda 45 rayonun ixracatı artdı
Türkiyə Ticarət Nazirliyi 2024-cü ilin yanvar ayında 45 rayonun ixracatını artırdığını bildirib. İstanbul 4 milyard 330 milyon dollarlıq ixracatla birincidir.
“Star”: Qızıl və minerallarla zəngin ölkədən Türkiyəyə tərəfdaşlıq təklifi
Qızıl və minerallarla zəngin Tacikistanın Türkiyə səfiri Əşrəfcon Qulov diqqətəlayiq tərəfdaşlıq təklifi ilə çıxış edərək deyib: "Tacikistan dost ölkə Türkiyə ilə xüsusilə qızıl, alüminium, digər metalların çıxarılması və pambıq emalı sahələrində ortaq müəssisələr qurmağı düşünür".
“Vatan”: Geri dönüşü təxirə salınan Alper Gezeravcıdan mesaj
Türkiyənin ilk astronavtı Alper Gezeravcı Yerə dönüşü bir daha təxirə salındıqdan sonra sosial media hesabında paylaşım edərək bildirib: "Bu bənzərsiz səyahətdə qazandığım təcrübələrlə elm və texnologiya sahəsində atılan addımlara dəyər qatmaq üçün ölkəmə qayıtmağı səbirsizliklə gözləyirəm".
Әlaqәli Xәbәrlәr
Türkiyə mətbuatı, 26 aprel 2024
“Haber Türk”, “Star”, “Hürriyet”, Sabah” və “Yeni Şafak” nələrdən yazır?