Türkiyə mətbuatı: 1 aprel 2020
Türkiyə mətbuatında dərc olunan bəzi xəbərlərin xülasəsi.
Türkiyə mətbuatında dərc olunan bəzi xəbərlərin xülasəsi.
''Sabah'': Ərdoğan və Tramp arasında telefon danışığı oldu.
Martın 31-də Türkiyə Prezidenti Rəcəb Tayyib Ərdoğan və ABŞ Prezidenti Donald Tramp arasında telefon danışığı olub. Türkiyənin Prezident Administrasiyasının verdiyi xəbərə görə, telefon danışığı zamanı prezidentlər ikitərəfli münasibətləri, regional prosesləri, eləcə də dünyada sürətlə yayılan yeni növ korona virusu (Covid-19) infeksiyası ilə mübarizə məsələlərini müzakirə ediblər. Tərəflər virusla mübarizədə tədbir və təcrübə mübadiləsi əsasında birgə addımlar atmağın vacibliyini vurğulayıblar.
''Hürriyet'': Türkiyədə də plazmanın köçürülməsi metodikasından istifadə ediləcək.
Səhiyyə Nazirliyi və Qızıl Aypara Cəmiyyəti hərəkətə keçdi, universitetlər də dəstək verdi. Koronavirus epidemiyası ilə mübarizə aparan və sağalan xəstələrdən alınacaq plazma ağır vəziyyətdə olan xəstələrə köçürüləcək.
''Sabah'': NATO-dan tarixi qərar. Siyahıda Türkiyə də var.
NATO-nun baş katibi Yens Stoltenberq alyansın siyasi blokunu gücləndirmək üçün qiymətləndirmə prosesi aparacaq şəxslərin siyahısını açıqladı. Siyahıdakı şəxslərdən biri də NATO baş katibinin müavini türkiyəli səfiri Tacan İldemdir.
''Vatan'': Milli Təhsil Nazirliyi açıqlama verdi: ''Gündə 100 min ədəd istehsal ediləcək''
Milli Təhsil Nazirliyi tərəfindən koronavirus epidemiyası ilə bağlı görülən tədbirlər çərçivəsində başlanılan Ar-Ge fəaliyyətləri nəticəsində İstanbul Küçükköy Peşə və Texniki Anadolu Liseyində avtomatik 3 qatlı cərrahi maska cihazının istehsalı tamamlandı. Liseydə gündə 100 min ədəd cərrahi maska istehsal ediləcək.
''Yeni Şafak'':Milli imkanlarla hazırlanan tənəffüs aparatının ilk prototipi.
Baykar Müdafiənin texniki direktoru Selçuk Bayraktar şəxsi ''Twitter'' səhifəsində milli imkanlarla hazırlanan tənəffüs aparatının ilk prototipi ilə bağlı video-çarx bölüşüb. Seçuk Bayraktar deyib: "Bu milli imkanlarla hazırlanan tənəffüs aparatının ilk prototipidir.
Әlaqәli Xәbәrlәr
Türkiyə mətbuatı, 26 aprel 2024
“Haber Türk”, “Star”, “Hürriyet”, Sabah” və “Yeni Şafak” nələrdən yazır?