Türkiyə mətbuatı, 26 iyul 2019

“Haber Türk”: Komandanlıq Suriyaya əməliyyatı ilə bağlı görüşdü

  Türkiyənin milli müdafiə naziri Hulusi Akar Amerika Birləşmiş Ştatlarından (ABŞ) gələn heyətlə keçirilən görüşə dair açıqlamasında Suriyada təhlükəsiz zona ilə bağlı deyib: "Bütün fikirlərimizi, təkliflərimizi gələn heyətə çatdırdıq. Bunları araşdırıb cavablarını tezliklə vermələrini gözləyirik. Bizim gecikməyə səbrimiz yoxdur. Lazım gələrsə, təşəbbüsümüzü istifadə edəcəyik".

“Vatan”: Türkiyə hava müdafiəsini gücləndirir

  Türkiyə Milli Müdafiə Nazirliyi Rusiyadan alınan S-400 hava müdafiə sistemlərinin birinci qrup materiallarının 25 iyulda gəldiyini açıqladı. S-400-ün işlərinin başlandığı və davam etdiyini söyləyən hərbi rəsmilər ikinci qrup materiallarının da Ankarada quraşdırılacağını bildiriblər.

“Star”: F-35 layihəsində Türkiyənin rolu: 900 fərqli parça istehsalı

  Türkiyə müdafiə sənayesi şirkətlərinin Müştərək Hücum Təyyarəsi (F-35) layihəsində rəqabətli qiymətlərlə əldə etdikləri maya dəyərini aşağı çəkir. Təyyarənin orta gövdəsindən eniş komandasına, mühərrikindən qanadına qədər bir çox parçalar Türkiyə firmaları tərəfindən istehsal olunur. 400-dən çox F-35-in hissələrinin 6-7 fazinini Türkiyə iş öhdəsinə götürüb. Türkiyə F-35 layihəsindən çıxarılarsa, hər təyyarənin dəyəri 7-8 milyon dollardan 10 milyon dollara qədər artar.

 “Yeni Şafak”: Avropa İttifaqı sözünü tutmadı, Türkiyə müqaviləni təxirə saldı"

  1 oktyabr 2014-cü ildə qüvvəyə minən və qanunsuz yollarla Türkiyə ərazisindən Aİ ölkələrinə girən qaçqınların Türkiyəyə qaytarılmasını nəzərdə tutan Türkiyə - Aİ Geriqəbul Müqaviləsi Avropa İttifaqının vəd etdiyi sözləri tutmaması ilə bağlı təxirə salınıb. Mövzu ilə bağlı Türkiyə xarici işlər naziri Mövlud Çavuşoğlu deyib: "Geriqəbul Müqaviləsi və Türkiyə vətəndaşlarına sərbəst viza tətbiqi eyni zamanda qüvvəyə minməlidir. Müqavilənin əsas məqsədi qanunsuz miqrasiyanın qarşısını almaq və Avropaya qaçqın axınını qanuni yollarla məhdudlaşdırmaqdır”.

“Hürriyyət”: Rusiya xüsusi və xidməti pasportlar üçün vizanı qaldırır

  Rusiya prezidenti Vladimir Putin imzaladığı sərəncamla xüsusi və xidməti pasportu olan Türkiyə vətəndaşlarının Rusiyaya girişi üçün viza və xidmət şərtlərinə son qoydu.