Türkiye Prezidenti Administrasiyasının İctimaiyyətlə Əlaqələr İdarəsi bəyanat yaydı

Türkiye Prezidenti Administrasiyasının İctimaiyyətlə Əlaqələr İdarəsi  İsrail media orqanlarının  ''Türkiye rəsmiləri İsrail ilə münasibətləri yaxşılaşdırmaq istəyir'' şəklindəki iddialarını təkzib edib. 
Bu barədə Türkiye Prezidenti Administrasiyasının İctimaiyyətlə Əlaqələr İdarəsinin Dezinformasiyaya qarşı Mübarizə Mərkəzi məlumat yayıb.
Bildirilib ki, İsrailin Qəzzada törətdiyi cinayətlərlə bağlı rəsmi Ankaranın haqlı reaksiyalarından sonra Türkiyenin İsraildəki səfirliyinin müvəqqəti işlər vəkili martın 25-də İsrail Xarici İşlər Nazirliyinə dəvət olunub.
Bu görüşlə bağlı İsrail mətbuatının yaydığı xəbərlərin həqiqəti əks etdirmədiyi bildirilib.
Bəyanatda Türkiyenin İsrailin Qəzzada günahsız fələstinlilərə qarşı qətliamlarına hər səviyyədə qarşı çıxdığı qeyd edilib.
Bəyanatda həmçinin vurğulanıb ki, İsrailin yaydığı dezinformasiya kampaniyalarına etibar edilməməlidir.