TBMM İsveçin NATO-ya üzvlüyü ilə bağlı müzakirələri təxirə saldı

Türkiye Böyük Millət Məclisi (TBMM) İsveçin NATO-ya üzvlüyünü təsdiqləyən protokolun müzakirələrini təxirə salıb.

Xatırladaq ki, İsveçin Şimali Atlantika Alyansına (NATO) üzvlüyünün təsdiqini nəzərdə tutan layihənin noyabrın 16-da Türkiye Böyük Millət Məclisinin (TBMM) Xarici Əlaqələr Komissiyasında müzakirəyə çıxarılacağı bildirilmişdi.

İsveçin NATO-ya üzvlüyünün təsdiqi ilə bağlı təklif ötən ay Türkiye Böyük Millət Məclisinin Xarici Əlaqələr Komissiyasına təqdim olunmuşdu.
Qeyd edək ki, İsveçin Şimali Atlantika Alyansına (NATO) üzvlüyünün təsdiqini nəzərdə tutan layihə qəbul edilərsə, parlamentdə səsverməyə çıxarılacaq. Qəbul edilsə, Prezident Tayyib Ərdoğan tərəfindən imzalanaraq qüvvəyə minəcək.