Türkiye Qəzzaya yardım gəmisi göndərib

Türkiyedən Qəzzaya göndəriləcək yardım gəmisi bu gün (9 noyabr) yola düşəcək.

Bu barədə Səhiyyə naziri Fahrettin Koca deyib.

O, Qəzzaya yardım aparan gəminin Türkiye vaxtı ilə saat 23:00-da İzmirdən Misirin Əl-Ariş limanına yola düşəcəyini açıqlayıb.

“Göndərilən yardım Misirə çatan ilk yük gəmisi olacaq. Gəmidə səkkiz səhra xəstəxanası var. Qəzzada müalicəsi yarımçıq qalan xərçəngli uşaqlar Türkiyeyə gətiriləcək. Bunun üçün Misir, İsrail və Türkiye arasında koordinasiya mərkəzi yaradılıb" – deyə Fahrettin Koca bildirib.