Yardım təyyarələri Misirə çatıb

Səhiyyə naziri Fahrettin Koca Qəzzaya tibbi ləvazimat, reanimasiya avadanlıqları və generatorlar daşıyan 2 təyyarənin Misirə çatdığını açıqlayıb.

Nazir Koca sosial media hesabında etdiyi paylaşımda bunları deyib:

"Dünən uçması planlaşdırılan 4 təyyarədən 2-si bu gün səhər saatlarında Misirin Əl Ariş hava limanına çatıb. Bundan başqa, içərisində tibbi ləvazimatlar, reanimasiya avadanlıqları və generatorlar olan daha 2 təyyarənin sabah Qəzza üçün Misirə uçması planlaşdırılır. Bizim humanitar məsuliyyətimiz burada bitmir davam edəcək".