Prezident Ərdoğan Nyu-Yorkda bir sıra görüşlər keçirib
Prezident Rəcəb Tayyib Ərdoğan Birləşmiş Millətlər Təşkilatının Baş Assambleyası (BMGK) öncəsi Amerika Birləşmiş Ştatlarında (ABŞ) bir sıra görüşlər keçirir.
Prezident Rəcəb Tayyib Ərdoğan Birləşmiş Millətlər Təşkilatının Baş Assambleyası öncəsi Amerika Birləşmiş Ştatlarında (ABŞ) bir sıra görüşlər keçirir.
Ərdoğanın Nyu-Yorkdakı "Türk Evi"ndə qəbulu Gürcüstanın Baş naziri İrakli Qaribaşvili ilə başlayıb.
Görüş zamanı Ərdoğan bildirib ki, Bakı-Tbilisi-Qars dəmir yolunun tezliklə işə salınması gözlənilir.
İki ölkə arasındakı ticarət həcminin 3 milyard dollardan 5 milyard dollara qədər yenidən nəzərdən keçirilə biləcəyini ifadə edən dövlət başçısı Ərdoğan FETÖ-nün Gürcüstandakı məktəblərinin bağlanmasının və aktivlərinin dondurulmasının vacib olduğunu ifadə edib və Gürcüstan administrasiyasının bununla bağlı atdığı addımlardan məmnunluğunu ifadə edib.
Prezident Ərdoğan "Türk Evi"ndə ABŞ-da yaşayan Ahıska türkləri ilə də görüşüb.
Ərdoğan 24 fevral 2022-ci il tarixindən bu yana davam edən Rusiya-Ukrayna müharibəsi zamanı 4 min Ahıska türkünü Türkiyeyə gətirdiklərini vurğulayıb.
"Ahıska türklərinin illərdir həsrətində olduqları Türkiye vətəndaşlığını əldə etmək üçün lazımi addımları atırıq və bu prosesi sürətləndiririk", -deyə dövlət başçısı qeyd edib.
Ərdoğan amerikalı sahibkar, "Tesla" və "SpaceX" şirkətlərinin qurucusu İlon Maskla da görüşüb.
Ərdoğan Maska Türkiyenin texnologiya nailiyyətləri haqqında danışıb.
"Tesla"nın Türkiye bazarına yerli avtomobil TOGG-un Türkiyedə yollara çıxması ilə daxil olduğunu xatırladan prezident Maska "Tesla"nın Türkiyadə yeddinci fabrikini qurmağa çağırıb.
Prezident Ərdoğan daha sonra Türk-Amerika Milli Rəhbər Komitəsinin təşkil etdiyi proqramda çıxış edib.
Prezidentin gündəmində Türkiye-ABŞ münasibətləri və Rusiya-Ukrayna müharibəsi olub.
Türkiye-ABŞ əlaqələrinin günü-gündən inkişaf etdiyini deyən Ərdoğan Rusiya-Ukrayna müharibəsi ilə bağlı deyib:
“Rusiya-Ukrayna müharibəsində bizim mövqeyimiz bütün dünya tərəfindən yüksək qiymətləndirilib. Biz əsir mübadiləsindən tutmuş Qara dəniz taxıl təşəbbüsünə qədər bir çox diplomatik uğurlar əldə etmişik".
Bəzi Avropa ölkələrində Qurani-Kərimə edilən hücumlara bir daha sərt reaksiya verən prezident Ərdoğan “2 milyard müsəlmanın müqəddəs məkanlarına hücumun fikir azadlığı adı altında qanuniləşdirilməsini heç vaxt qəbul etmirik” deyib.