Türkiye daşqınlarla mübarizə aparan Liviyaya yardım əlini uzatdı
Türkiye Milli Müdafiə Nazirliyi (MSB) Liviyaya axtarış-xilasetmə qrupları və yardım materialları daşıyan üç nəqliyyat təyyarəsindən birincisinin bölgəyə çatdığını bildirib.
Türkiye daşqınlarla mübarizə aparan Liviyaya yardım əlini uzatdı.
Türkiye Milli Müdafiə Nazirliyi (MSB) Liviyaya axtarış-xilasetmə qrupları və yardım materialları daşıyan üç nəqliyyat təyyarəsindən birincisinin bölgəyə çatdığını bildirib.
Milli Müdafiə Nazirliyindən verilən açıqlamada deyilir: "Beynəlxalq yardım çağırışı edən dost və qardaş ölkə Liviyaya ilk yardım əlini uzadan Türkiye oldu. Türkiye Hərbi Hava Qüvvələrinə məxsus təyyarə ilə Türkiye Fövqəladə Hallar İdarəsinin axtarış-xilasetmə qrupları ilə yardım materiallarınını Liviyaya çatdırdıq''.
Türkiye Fövqəladə Hallar İdarəsinin sədri Oqtay Memiş üç nəqliyyat təyyarəsinin Liviyaya axtarış-xilasetmə qrupları ilə yardım materiallarını çatdıracağını deyib. O, uçuşların 4 saatdan bir həyata keçiriləcəyini bildirib.
Prezident Rəcəb Tayyib Ərdoğan Liviyada baş verən daşqınlarla bağlı rəsmi internet səhifəsində paylaşım edib.
Türkiye Prezidenti paylaşımında bu ifadələrə yer verib:"Türkiye Liviya xalqının yanındadır. Liviya xalqına ''keçmiş olsun'' arzularımı çatdırıram. Türkiye Fövqəladə Hallar İdarəsinin koordinasiyası ilə Benqaziyə 3 uçuş həyata keçiriləcək. Birinci mərhələdə təyyarəmizdə 168 personal, 2 axtarış-xilasetmə maşını, 2 xilasetmə qayığı, 170 çadır, 600 ədyal, 400 ərzaq və gigiyena vasitələrindən ibarət bağlama, 20 generator, 500 çəkmə və 500 fənər olacaq''.