Erməni ASALA tərəfindən öldürülən türk şəhid diplomat yad edildi
Türkiyənin Belçika səfiri Bəkir Uysal D.Aksoyun şəhid olduğu yerə əklil qoyaraq erməni terror təşkilatı ASALA-nın törətdiyi hücumlarda çox sayda türk diplomat və yaxınlarının qətl edildiyini xatırladaraq deyib...
14 iyul 1983-cü ildə erməni terror təşkilatı ASALA tərəfindən şəhid edilən Dursun Aksoy Belçikanın paytaxtı Brüsseldə mərasimlə anılıb.
Ötən əsrin 80-ci illərdə Türkiyənin Belçika səfirliyinin inzibati attaşesi olmuş Dursun Aksoyun şəhadətinin 40-cı xatirə günü keçirilib.
Türkiyənin Belçika səfiri Bəkir Uysal D.Aksoyun şəhid olduğu yerə əklil qoyaraq erməni terror təşkilatı ASALA-nın törətdiyi hücumlarda çox sayda türk diplomat və yaxınlarının qətl edildiyini xatırladaraq deyib: “Dursun Aksoya qarşı hücumun səbəbkarlarının cəzasız qalması təəssüf doğurur. Biz şəhid diplomatımızın xatirəsini əziz tutur, adını yaşadırıq. Dursun Aksoy üçün abidə ucaldılması Türkiyə ilə Belçika arasında dostluq və əməkdaşlığa daha yaxşı təsir edər. Bu istiqamətdə təşəbbüs işlər görürük.
Türkiyənin terrorla mübarizəsi cinayətkarlar arasında heç bir fərq qoymadan davam edir. Beynəlxalq zəmində vurğuladığı kimi, Türkiyə terrorun bütün forma və təzahürlərinə qarşı həmrəylik və ortaq mövqe tələb edir”.
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.