Milli Müdafiə Nazirliyi bir həftə ərzində 19 terrorçunun zərərsizləşdirildiyini bildirib

İraq və Suriyanın şimalında bir həftə ərzində 19 terrorçu zərərsizləşdirilib.

Türkiye Milli Müdafiə Nazirliyinin Mətbuat və İctimaiyyətlə Əlaqələr müşaviri dəniz polkovniki Zəki Aktürk Nazrilikdə təşkil edilən konfransda  PKK/KCK-PYD/YPG, FETÖ və DEAŞ terror təşkilatları başda olmaqla milli birlik və həmrəyliliklə ölkənin mövcudluğu üçün hər cür təhdid və təhlükəyə qarşı ölkə daxilində və sərhəddən kənarda əməliyyatların qətiyyətlə davam etdiyini bildirib.

Aktürk "Son bir həftədə İraq və Suriyanın şimalı da daxil olmaqla 19 terrorçu zərərsizləşdirilib. Beləliklə, il ərzində zərərsizləşdirilən terrorçuların sayı 813-ə, 24 iyul 2015-ci ildən isə 38 min 156-ya çatıb" deyib.

Aktürk bildirib ki, bu həftə İraqın şimalında "Pəncə-Kilid" əməliyyatı bölgəsində müxtəlif silah, sursat və material ələ keçirilib.