“Türkiyə Fələstin xalqı ilə tam həmrəydir”, R.T.Ərdoğan

  Prezident Rəcəb Tayyib Ərdoğan Türkiyənin Fələstin xalqı ilə tam həmrəy olduğunu bildirib.

  Paytaxt Ankarada Ədalət və İnkişaf Partiyasının (AK Partiya) Baş Qərargahında Genişləndirilmiş Rayon Başçıları Toplantısında çıxış edən R.T.Ərdoğan deyib: “İsrail ordusu həftənin əvvəlində İordan çayının qərb sahilindəki Cenin Qaçqınlar Düşərgəsinə hücum edib və 12 fələstinli həyatını itirib. Hücumlarda şəhid olan fələstinli qardaşlarımıza Allahdan rəhmət diləyirəm. Türkiyə Fələstin xalqı ilə tam həmrəydir".