Maykl Adamson Qızıl Aypara Cəmiyyətinin Qaziantepdə gördüyü işlərdən danışıb
Keçən həftə Qaziantepə səfər edən İngiltərə Qızıl Xaç Komitəsinin prezidenti Maykl Adamson Qızıl Aypara Cəmiyyətinin bölgədəki fəaliyyətini yüksək qiymətləndirib və köməyə görə təşəkkür edib.
Keçən həftə Qaziantepə səfər edən İngiltərə Qızıl Xaç Komitəsinin prezidenti Maykl Adamson Qızıl Aypara Cəmiyyətinin bölgədəki fəaliyyətini yüksək qiymətləndirib və köməyə görə təşəkkür edib.
İngiltərə Qızıl Xaç Komitəsinin rəsmi ''Twitter'' hesabından edilən video paylaşımda bu ifadələrə yer verilib: "İngiltərə Qızıl Xaç Komitəsinin prezidenti Maykl Adamson fevralın 6-da zəlzələlər nəticəsində çox sayda insanın evsiz qaldığı Qaziantepə səfər edib. Türkiye Qızıl Aypara Cəmiyyəti travma prosesində uşaqlara dəstək olan psixososial çadırlar qurub".
Maykl Adamsonun video paylaşımında deyib: "Qaziantepə qayıtdıq. Mənim ətrafımda evləri dağıldığı üçün çadırlarda yaşayan insanlar var. Hazırda psixoloji dəstək üçün qurulan psixososial çadırların qarşısındayam. Burada müxtəlif yaşlarda olan uşaqlar dəstək və təhsil alırlar, oyunlar oynayırlar. Onlar yaşadıqlarını izah etmək və anlamaq üçün bir yol tapırlar. Bu gün biz Türkiye Qızıl Aypara Cəmiyyətinin geyim, yemək və psixoloji dəstək sahəsində gördüyü işləri yerində gördük. Tərəfdarlarımız və donorlarımız olmasaydı, bunu edə bilməzdik. Buna nail olmaqda bizə kömək etdiniz. İngiltərə Qızıl Xaç Komitəsi adından buna nail olmaqda bizə kömək edən hər kəsə təşəkkür edirəm''.
Әlaqәli Xәbәrlәr
Türkiyədə İbrahim Rəisinin ölümü ilə əlaqədar birgünlük matəm elan edilib
Prezident Rəcəb Tayyib Ərdoğan Nazirlər Kabinetinin iclasından sonra açıqlamalar verib.
“Pontus iddiaları” Türkiyə-Yunanıstan münasibətlərinə xələl gətirmək məqsədi daşıyır
Türkiyə Xarici İşlər Nazirliyi verdiyi yazılı açıqlamada bildirib ...