Prezident Ərdoğan: "PKK-nın İraqda varlığına son qoyulmalıdır"

Prezident Rəcəb Tayyib Ərdoğan ilə İraqın Baş naziri Məhəmməd əl-Sudani arasında telefon danışığı olub.

Bildirilib ki, telefon danışığında Türkiye-İraq əlaqələri və regional məsələlər müzakirə edilib.

Prezident Ərdoğan görüşdə ikitərəfli və regional əməkdaşlığın qarşıdakı dövrdə hər sahədə daha da güclənəcəyinə inandığını bildirib.

İraqın sülh, sabitlik və ərazi bütövlüyünə Türkiye qədər önəm verdiklərini bildirən Ərdoğan terror təşkilatı PKK-nın İraq torpaqlarında varlığına son qoyulmasının milli təhlükəsizlik maraqlarına cavab verdiyini qeyd edib.