İstanbuldakı hücumun həyata keçirilməsinə yardım edən terrorçu saxlanıldı

İstanbulda törədilən terror hücumunun həyata keçirilməsinə yardım etdiyi müəyyən edilən Hüsam A. adlı separatçı terror təşkilatı PKK/YPG-nin üzvü Suriyanın Azez şəhərində saxlanılıb.
Noyabrın 13-də İstanbulun İstiqlal prospektində törədilən partlayışla bağlı aparılan araşdırma çərçivəsində Suriyada saxlanılan ''Hüsam'' ləqəbli şübhəlinin terrorçular ilə birgə hərəkət etdiyi bildirilib.
PKK/KCK/PYD/YPG terror təşkilatının üzvü olduğu müəyyən edilən şübhəlinin Beyoğludakı partlayışdan 1 il əvvəl İstanbula gəldiyi qeyd olunub. Məlumatda ''Hüsam'' ləqəbli şübhəlinin hücumdan sonra Suriyaya qaçqığı təsbit edilib.
Təhlükəsizlik qüvvələrinin həyata keçirdiyi əməliyyat nəticəsində Azez şəhərində saxlanılan şübhəli dindirilmək üçün İstanbula gətiriləcək.