Hulusi Akar İngiltərəyə səfər edib

Milli müdafiə naziri Hulusi Akar İngiltərənin Türkiyeyə qarşı bütün müdafiə sənayesi embarqolarını qaldırdığı bir vaxtda bu ölkəyə rəsmi səfər edir.
İngiltərə müdafiə naziri Ben Uollesin rəsmi dəvəti ilə İngiltərəyə gedən Hulusi Akarın səfəri zamanı ikitərəfli və regional müdafiə, təhlükəsizlik və müdafiə sənayesində əməkdaşlıq mövzularında fikir mübadiləsi aparacağı gözlənilir.

Bir sıra müdafiə sənayesi şirkətləri ilə danışıqların da planlaşdırıldığı səfərdə Milli Müdafiə naziri Akarı müdafiə və təhlükəsizlik məsələləri üzrə mütəxəssis, mülki və hərbi personaldan ibarət texniki heyət müşayiət edir.