Mövlud Çavuşoğlu Nyu-Yorkda ABŞ dövlət katibi Entoni Blinkenlə görüşüb

ABŞ-ın dövlət katibi Entoni Blinken Nyu-Yorkda xarici işlər naziri Mövlud Çavuşoğlu ilə görüşündə Türkiyenin taxıl dəhlizi sazişindəki səylərini yüksək qiymətləndirib.

Birləşmiş Millətlər Təşkilatının (BMT) 77-ci Baş Assambleyasının iclasları üçün Nyu-Yorka səfər edən Çavuşoğlu ilə Blinkenin sentyabrın 20-də keçirdiyi görüşü ilə bağlı ABŞ Dövlət Departamenti açıqlama yayıb.

Açıqlamada həmçinin 24 fevraldan bəri davam edən Rusiya-Ukrayna müharibəsində NATO ölkələrinin birlikdə hərəkət etmələrinin vacibliyinə diqqət çəkilərək, “A.Blinken Türkiyənin Qara dənizdə Ukrayna taxılının daşınmasının davam etməsini təmin etmək üçün diplomatik səylərini yüksək qiymətləndirdi. Dəniz və BMT-nin rəhbərlik etdiyi razılaşmaların həyata keçirilməsi və Moskvanın hərəkətlərinə görə məsuliyyət daşımasının vacibliyini vurğuladı" deyilib.