Türkiyedən Əfqanıstana yeni xeyriyyə qatarları yola salınıb

Türkiye Cümhuriyyəti Dövlət Dəmir Yolları (TCDD) nəqliyyat anonim şirkəti(AŞ) müdirliyi və Təbii Fəlakət və Fövqəladə Hallar Agentliyin koordinasiyasında 10 qeyri-hökumət təşkilatının dəstəklərilə təşkil edilən 6-cı qrup "Xeyriyyə Qatarları" bu gün Ankara vağzalından yola salınıb.

Təşkil edilən mərasimdə TCDD Nəqliyyat AŞ baş direktorunun müavini Çetin Altun Əfqanıstana 5 qrupda 13 qatar, 298 vaqon, 228 konteyner və ümumilikdə 5534 ton yardım materialının çatdırıldığını bildirib.

Ç.Altun deyib ki, hazırda 69 vaqon və 1500 ton yüklə 6-cı qrup 3 qatarı Əfqanıstandakı qardaşlarımıza yola salırıq. Türkiyedən yola düşərək İran və Türkmənistan üzərindən Əfqanıstanın Turqundi şəhərinə çatacaq qatarlarımız digərləri kimi təxminən 4168 kilometr məsafə qət edərək, 11-14 gün ərzində ehtiyacı olanlara çatacaq.

AFAD-ın svdr müavini Həmzə Taşdelen də bu yardımların həyati əhəmiyyətinə diqqət çəkərək deyib:
“Əfqanıstanda 27 milyon insanın yaşaması üçün dəstəyə, təxminən 19 milyon insanın təcili qidaya ehtiyacı var. TCDD Nəqliyyat AŞ və qeyri-hökumət təşkilatları ilə birlikdə 2021-ci ildə başladığımız 'Xeyriyyə Qatar Layihəsi' ilə bu günə qədər cəmi 14 qatar Əfqanıstana çatdı. Bu gün 6-cı qrup qatarı yola düşür. Beləliklə, 6 səfərdə cəmi 17 qatarla 1 milyon 250 min insana 7 min 135 ton yardım çatdırmış olacağıq”.