Türkiyə prezidenti Ukraynaya gedir
Bu barədə Türkiyə Prezident Aparatı İctimaiyyətlə Əlaqələr Departamentindən bildirilib
Türkiyə prezidenti Rəcəb Tayyib Ərdoğan Ukrayna prezidenti Volodimir Zelenskinin dəvəti ilə avqustun 18-də Lvov vilayətinə birgünlük işgüzar səfər edəcək. Bu barədə Türkiyə Prezident Aparatı İctimaiyyətlə Əlaqələr Departamentindən bildirilib.
Məlumata əsasən, səfər çərçivəsində iki ölkə başçısının görüşündə strateji tərəfdaşlıq səviyyəsində Türkiyə-Ukrayna münasibətlərinin bütün aspektləri dəyərləndiriləcək.
Səfər zamanı Ukrayna prezidenti Volodimir Zelenski və Birləşmiş Millətlər Təşkilatının baş katibi Antonio Quterreşin iştirakı ilə üçtərəfli görüşün keçirilməsi də nəzərdə tutulur. Sözügedən görüşdə Ukrayna taxılının dünya bazarlarına çıxarılması üçün yaradılan mexanizmin fəaliyyətinin artırılaraq davamiyyətini təmin etmək, eləcə də Rusiya ilə Ukrayna arasında davam edən böhrana diplomatik yollarla son qoyulması istiqamətində atılacaq addımlar müzakirə olunacaq.
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.