Ukraynadan taxıl yüklənmiş daha iki gəmi yola düşüb
Türkiyə Milli Müdafiə Nazirliyi 11 min ton soya və 48 min ton qarğıdalı daşıyan 2 gəminin Ukraynadan yola düşdüyünü açıqlayıb.
1864813
Ukraynadan taxıl yüklənmiş daha iki gəmi yola düşüb.
Türkiyə Milli Müdafiə Nazirliyi 11 min ton soya və 48 min ton qarğıdalı daşıyan 2 gəminin Ukraynadan yola düşdüyünü açıqlayıb. Dünən (7 avqust 2022) yola düşən 4 gəmi bu axşam İstanbulda lövbər salacaq, sabah isə gəmilər yoxlanılacaq.
Nazirlikdən verilən açıqlamada, Birgə Koordinasiya Mərkəzinin işi çərçivəsində Ukrayna limanlarından taxıl daşımalarının davam etdiyi bildirilib.
Bu gün səhər; İtaliyaya 11 min ton soya daşıyan "SACURA" gəmisi Yuznidən, 48 min 458 ton qarğıdalı daşıyan "ARIZONA adlı gəmi isə Çernomorskdan yola düşüb.
Dünən yola düşən və İstanbul istiqamətində hərəkət edən 4 gəmi bu axşam İstanbulda lövbər salacaq və sabah yoxlanılacaq.