İsrail Prezidenti Ərdoğanı Qurban bayramı münasibətilə təbrik edib

İsrail Prezidenti İsaak Hersoq Prezident Rəcəb Tayyib Ərdoğana telefonla zəng edərək onu Qurban bayramı münasibətilə təbrik edib.

Türkiyə Prezidenti Administrasiyasının İctimaiyyətlə əlaqələr idarəsindən verilən məlumata görə, Türkiyə-İsrail münasibətləri və regional məsələlərin də müzakirə edildiyi telefon danışığı zamanı Ərdoğan Qurban bayramının hər iki ölkəyə, bölgəyə və bütün dünyaya sülh və əmin-amanlıq gətirməsini arzulayıb.