Türkiyə İsraili qınayıb
Türkiyə İsrail təhlükəsizlik qüvvələrinin Məscidül-Əqsada namaz qılan müsəlmanlara qarşı müdaxiləsini pisləyib.
Türkiyə İsrail təhlükəsizlik qüvvələrinin Məscidül-Əqsada namaz qılan müsəlmanlara qarşı müdaxiləsini pisləyib.
Xarici İşlər Nazirliyindən verilən yazılı açıqlamada “İsrail təhlükəsizlik qüvvələrinin Cenin başda olmaqla müxtəlif şəhərlərdə biri uşaq olmaqla 7 fələstinlinin öldürülməsini və bu səhər Məscidül-Əqsada müsəlmanlara namaz qılmaq üçün müdaxilə edərək yaralanmalara səbəb olmasını qəbuledilməz hesab edir və şiddətlə qınayırıq” deyilib.
Açıqlamada "Son günlər regionda artan gərginlikdən dərin narahatıq. Xüsusilə bu həssas dönəmdə Məscidül-Əqsanın statusu və mənəviyyatına qarşı təxribat və təhdidlərə yol verilməməsinin vacibliyini bir daha vurğulamaq istərdik. Hadisələrdə həyatını itirən fələstinli mülki vətəndaşlara Allahdan rəhmət, yaralananlara isə şəfa diləyirik” deyə bildirilib.