Türkiyə bayrağı ucaldılan ən böyük gəmi martın 7-də ilk səfərini reallaşdıracaq
Milli Müdafiə Nazirliyindən bildirilib ki, tikintisinə 2016-cı il aprelin 17-də başlanılan və dekabrda istismara verilməsi planlaşdırılan "LHD ANADOLU" çoxməqsədli amfibiya gəmisində Türkiyə bayrağı qaldırılıb.
1789940
Milli Müdafiə Nazirliyindən bildirilib ki, Türkiyənin Hərbi Dəniz Qüvvələrinin ən böyük gəmisi “LHD Anadolu” çoxməqsədli amfibiya gəmisində martın 4-də Türkiyə bayrağının ucaldılması ilə bağlı rəsmi mərasim keçirilib.
Tikintisinə 2016-cı il aprelin 17-də başlanılan gəminin uzunluğu 232 metrdir. Türkiyənin Hərbi Dəniz Qüvvələrinin ən böyük gəmisi olacaq “LHD Anadolu” 27 min ton yükgötürmə qabiliyyətinə malikdir.
Bu ilin dekabrında istifadəyə verilməsi planlaşdırılan gəminin martın 7-də ilk səfərini reallaşdırması və liman qəbulu testləri keçirməsi nəzərdə tutulur.