Yunanıstan tərəfdən Türkiyə sularına itələnən 36 mühacir xilas edilib

Türkiyənin Balıkəsir şəhəri sahillərində Yunanıstan sahil xidməti tərəfindən Türkiyə ərazi sularına göndərilən 36 qeyri-qanuni mühacir xilas edilib.

Sahil Mühafizə Komandanlığının internet saytında yer alan məlumata görə, Ayvalık qəsəbəsi sahillərində rezin qayıqda bir qrup qanunsuz qaçqının olduğu xəbərini alan qruplar bölgəyə hərəkət edib.

Sahil Mühafizə Komandınlığının heyəti Yunanıstan sahil xidməti tərəfindən Türkiyə ərazi sularına itələnən rezin qayıqda olan 36 qanunsuz mühaciri xilas edib.

Qeyri-qanuni mühacirlərin Cunda adasındakı Sahil Təhlükəsizlik Komandanlığı Mərkəzinə aparıldığı öyrənilib.